أمثال شعبية

أمثال شعبية مصرية ـ موسوعه متنوعة من الأمثال المصرية

أمثال شعبية قديمة

 

الامثال الشعبية تراث وضرب من الحكم وموسوع يقال فيه الكثير.. وتُعد الأمثال الشعبية من أكثر الأشكال التعبيرية الشعبية انتشارا وشيوعا، حيث لا تخلو منها أية ثقافة، إذ نجدها تعكس مشاعر الشعوب على اختلاف طبقاتها وانتماءاتها، وللأمثال قيمة عظيمة لما تحمله من معاني عميقة فهيا دروس وعبرة تتوارثها الاجيال، وفي مقال اليوم سنذكر لكم بعض من أجمل الأمثال الشعبية المصرية.

أجمل ما قيل من أمثال :

  • أحنا كده ياستات عنينا فيه كخ علية
  • أبعد عن الشر وغني له
  • أبعدو تبقو عسل وقربو تبقو بصل
  • أبن الشيبة للخيبة
  • أشترى الجار قبل الدار
  • أخبار البلد مع مين ؟ مع العمي والمكسحين
  • أبن الوز عوام
  • أبويا الكلب وطابي وجوزي السبع علا بي
  • أشكي لمين وكل الناس مجريح
  • إتحمل همك وهم غيرك تموت وانت واقف على حيلك
  • أتعلم الكرم من البخيل
  • أجري ياأبن أدم جري الوحوش غير نصيبك لم تحوش
  • أحمد أخو الحج أحمد الاتنين أخوات
  • إحييني النهارده وموتني بكره
  • أخطب لبنتك ولا تخطبش لأبنك
  • أدعي على أبني وأكره الى يقول أمين
  • أدعي على أبني وقلبي يقول أسم الله
  • أدي الجمل وأدي الجمال
  • أدي الجمل وأدي النخلة
  • أدى العيش لخبازه ولو ياكل نصه

ومن بعض الأمثال أيضا :

  • الله يخلي أختي وأخويا، أشم فيهم ريحة أبويا.
  • تشرق واحنا في القصور وتغرب واحنا في القبور.
  • جت الحزينه تفرح، ما لقيتلهاش مطرح.
  • نهيتك ما انتهيت والطبع فيك غالب، وديل الكلب ما ينعدل ولو علقوا فيه قالب.
  • يا واخده القرد على ماله يروح المال ويبقى القرد على حاله.
  • اتمسكن لحد ما اتمكن.
  • ابعد عن الشر وغنيله.
  • خطبوها تعززت فاتوها تندمت.
  • قعدة الخزانة ولا جوازة الندامة.
  • إتلم المتعوس على خايب الرجا.
  • ابن الوز عوام.
  • زي القطط بسبع ارواح.
  • من بره هالله هالله، ومن جوا يعلم الله.
  • يا مصبر الوحش على الجحش.
  • اخطب لبنتك قبل ما تخطب لابنك.
  • آخر العنقود سكر معقود.
  • خذ الأصيلة ونام على الحصيرة.
  • مد رجليك على قد لحافك.
  • ادلعي يا سودا في السنة العوجة.
  • أدعي على ابني وأكره اللي يقول آمين.
  • صاحب الحق سلطان.
  • من كتر همه أتجوز واحدة أد أمه.
  • اديني عمر وارميني البحر.
  • إدي العيش لخبازه ولو يأكل نصه.
  • خرج من المولد بلا حُمص.
  • يقتل القتيل ويمشي في جنازته.
  • إذا حضرت الملائكة ذهبت الشياطين.
  • اربط الحمار مطرح ما يعوز صاحبه.
  • باب النجار مخلع.

أقول شعبية قديمة :

  • إذا كان فيه خير ما كان رماه الطير.
  • اسأل قبل ما تناسب يبان للردى والمناسب.
  • زي الهم على القلب.
  • يا مأمنه للرجال يا مأمنه للميه في الغربال.
  • اربط الحمار مطرح ما يريد صاحبه.
  • اصبر على جار السوء يا يرحل يا تجيله داهية تأخذه.
  • ديل الكلب عمره ما يتعدل، ولو علقوا فيه قالب.
  • ياما جاب الغراب لأمه.
  • اسال مجرب ولا تسال طبيب.
  • أضرب المربوط يخاف السايب.
  • رجعت حليمة لعادتها القديمة.
  • يا نحلة لا تقرصيتي ولا عايز منك عسل.
  • اختار الجار قبل الدار.
  • أعزب دهر ولا أرمل شهر.
  • سبع صنايع والبخت ضايع.
  • يا مستني السمنة من دهن النملة عمرك ما حتقلي.
  • اصرف ما في الجيب يأتيك ما في الغيب.
  • الأرض بفلوس والسماء ببلاش.
  • بنت الرجال عانت واستعانت، وبنت الأنذال حطت راسها ونامت.
  • نام على الجنب اللي يريحك.
  • الأم تعشعش والأب يطفش.
  • داري على شمعتك تقيد.
  • كانت القدرة ناقصة بتنجانة، اصبحت طافحة ومليانة.
  • جبت سيرة القط طلع ينط.
  • الباب اللي يجيلك منه الريح سده واستريح.
  • جحشك الاعرج ولا جمايل ابن عمك.
  • كل فولة مسوسة لها كيال اعور.
  • اخته في الخمارة وعامل أماره.
  • اضرب الأرض تطلع بطيخ.
  • البعيد عن العين بعيد عن القلب.
  • كل واحد متعلق من عرقوبه.
  • اطعم الفم تستحي العين.

أقوال شعبية مصرية قديمة :

  • بات غلبان ولا تباتش ندمان.
  • وجع البطون ولا كب الصحون
  • اعز الولد ولد الولد.
  • الجوع كافر.
  • ذنبه على جنبه.
  • على ما تتكحل العمشة يكون السوق خرب.
  • الحب في القلب زي عضة الكلب.
  • تطعميني جاجة سمينة ولا تبيتيني عليها حزينة.
  • يا بخت من زار وخفف.
  • أعلى ما في خيلك، اركبه.
  • الحداية ما بتحدفش كتاكيت.
  • زي القرع يمد لبره.
  • مبروم على مبروم ميلفش.
  • اعمل الخير وارميه البحر.
  • الحلو حلو لو لسًه صاحي من النوم، والوحش وحش لو استحما كل يوم.
  • صاحب الملوحة كل البرص.
  • نوم السراري للضحى العالي.
  • اقرع ونزهي.
  • الحما حمة ولو كانت ملكة من السماء.
  • صباح الصباح، اللي جاي احسن من اللي راح.
  • كلام الليل مدهون بزبدة، يطلع عليه النهار يسيح.
  • أكلهم تجارة ولبسهم خسارة.
  • أكبر منك بيوم يعرف عنك بسنة.
  • الحيطان ليها ودان.

مقالات ذات صلة

اترك تعليقاً

لن يتم نشر عنوان بريدك الإلكتروني.

زر الذهاب إلى الأعلى